CNRT Kontra OJE 2021 ba Festa Kada Semana iha RAEOA

  • Whatsapp
Prezidente bankada CNRT, Duarte Nunes, hamutuk ho ninia membru bankada sira akompana deputadu CNRT Patrocino Fernandes le komunikadu ba imprensa iha sala bankada, iha Parlamentu Nasional, kuarta (18/11).
Prezidente bankada CNRT, Duarte Nunes, hamutuk ho ninia membru bankada sira akompana deputadu CNRT Patrocino Fernandes le komunikadu ba imprensa iha sala bankada, iha Parlamentu Nasional, kuarta (18/11).

Tempotimor (Dili)- Partidu Congresso Nacional Reconstrução Timorense (CNRT) kontra alokasaun orsamentu husi Orsamentu Jerál Estadu (OJE) 2021 ba programa festa kada semana iha Rejiaun Administrativa Espesiál Oekusi Ambenu (RAEOA).

Bankada CNRT iha Parlamentu Nasionál kontra tanba, oras ne’e daudaun Prezidente Autoridade RAEOA hamosu politika ida atu ‘loke festa’ iha loron Sábadu no Domingu fim de semana, liu husi OJE 2021.

Read More

CNRT lee ona programa ne’e iha livru orsamentál 2021, ho totál orsamentu ne’ebé aloka ba planu ne’e hamutuk rihun $70.

“Arsénio Bano ko’alia kona-ba OJE 2020, sira tau rihun $52 atu halo dekorasaun no halo festa, depois ami husu ita boot halo festa ho OJE, Arsénio dehan Sim. Arsénio dehan, segunda to’o sesta ami halo servisu, maibé sesta ba oin ami halo festa, no iha OJE 2021 sira ta’u tan rihun $70,” deputada Fernanda Lay hateten lia hirak ne’e liuhusi konferénsia Imprensa ne’ebé hala’o iha PN (18/11).

Deputada CNRT ne’e husu ba públiku atu akompaña planu ne’ebé autoridade RAEOA halo no preve iha OJE 2021.

Deputadu ne’e sente triste no lamenta tanba orsamentu povu nian, autoridade RAEOA uza hodi ba halo fali festa iha kada fim de semana.

“Dokumentu iha ne’e kompletu, ha’u komprova, tanba iha dokumentu OJE 2021 nian sira tau tan rihun $70 atu halo dekorasi no halo festa. Ida ne’e atu konvida povu ka, autoridade sira mak ba han mesak,” Fernanda kestiona.

Nia konsidera prezidente RAEOA nia planu ida ne’e gasta de’it osan povu, tanba uza tiha osan ba halo festa, fila uza karreta xoke tan iha Aeroportu ne’ebá.(*)

Related posts